Suot ang mermaid style wedding dress ay naglakad ako sa red carpet. Nakatingin Ang mga bisita sa akin, mga kaibigan na malapit ni Daddy at kamag-anak nila ni Mommy. Kumikinang ako sa suot kong wedding dress na puno ng mga rhinestones at floral laces na tinahi pa ng isang sikat na designer sa Italy. Off shoulder ang wedding dress na lapat na lapat sa katawan ko.
Naka-bun ang aking buhok na inayos ni Warren. Si Owen naman ang magsilbing make up artist ko at sina Gracie at Sash naman ang nag-organise sa wedding.
Sa may altar kung nasaan ang pari ay naroon at nakatayo si Caliver na pumapatak ang luha sa mga mata. Inihatid ako ng mga magulang ko sa kinaroroonan ni Caliver at nang hawakan ni Caliver ang kamay ko ay nagsalita si Daddy.
"Ako na ngayon ang boss mo. Ingatan mo ang anak ko kun'di
