Madaling araw ng magtungo kami ni Brandon dito sa San Isidro sa isang abandonadong gusali na dating hospital.
Nakapalibot na sa labas ang mga tauhan namin ni Brandon. Natitiyak ko na mananagot sa akin si Gustavo sa oras na magpakita siya sa akin.
"Caliver... kumusta?" anang boses na narinig namin mula sa ikalawang palapag ng gusali. "Marami ka yatang mga kasama ngayon... mas marami sa inaasahan ko," dagdag pa nito kasabay ang malakas na pagtawa.
"Hayop ka nasaan si Lunnox! Saan mo sila dinala ni Fiona?" galit na galit na sigaw ko dito.
"Relax ka lang, Caliver. Hindi pa nga tayo nakakapagkuwentuhan ng mabuti bigla ka na lang nagagalit. Hindi mo ba ako na-miss? Noong huli tayong nagkausap may respeto ka pa naman sa akin."
"Huwag na tayong maglokohan, Gustavo. Kilala ko ang pagkatao mo a
