NAGTUNGO nga ako sa bagong bukas na bar na sinasabi sa akin ni Sash. Hindi siya as in bar kun'di isang restobar and grill house at sa tingin ko dating private resort na ginawa lamang bagong negosyo dahil may mga bahay-kubo sa paligid, isang swimming pool at grilling and barbecue area.
Nagpahatid ako sa driver ko at saka ko rin ito pinauwi. Magpapahatid na lang ako kay Gracie o kaya naman matutulog ako sa lugar na ito katulad pa rin ng dati.
Hinanap ng mga mata ko ang mga kaibigan ko. Maramig mga tao sa paligid at punuan din ang mga bahay-kubo na nalalampasan ko.
Sa dulong bahagi ng area ay nakita ko sina Gracie at Sash na magkaharap sa lamesa. Apat ang upuan niyon. May mga alak na rin sa ice bucket at may sizzling pork sisig sa harapan ng mga ito.
"Bar ba ang tawag dito?" tanong ko kay
