MAY isang oras nang nakahiga sa kama si Camia pero hindi pa rin siya makatulog. Pangalawang gabi na niya iyong pagtulog sa bahay ni Remus pero noon lang siya naging uneasy. Inuusig siya ng mga agam-agam niya tungkol sa sitwasyon nila. Nababahala siyang palayain nang lubusan ang tunay niyang damdamin para kay Remus. Alam niya na aalis ito para tuparin ang tungkulin nito bilang inaasahan ng lahi nito. At sa pag-alis nito, walang kasiguruhan kung babalik ito o magtatagumpay ito sa misyon nito. Natatakot siyang mag-invest at sa huli ay mabibigo lamang siya. Ayaw niyang masaktan ulit. Sapat nang minsan siyang nasaktan sa pagkawala ni Cole.
Nang hindi pa rin siya makatulog ay bumangon siya. Nagsuot siya ng sapin sa mga paa. Tanging puting nighties lang ang suot niya. Naka-unlock pa ang bra niya
