Chapter 15
Kinaumagahan pagkagising ni Samantha ay nagtungo siya sa banyo para maghilamos at mag-toothbrush. Halos wala pa siyang tulog dahil iniisip niya ang araw na ito. makakasama niya buong maghapon ang binata. Nang makalabas siya ng banyo ay dinampian niya ng puting towel ang kaniyang mukha. Nagtungo siya sa kusina para magtimpla ng kape.
Naiiling siya nang sumagi sa isip niya ang ginawa ni Franco kagabi, muntik na siya nito. At mukhang malalaglag ang puso niya kapag nahalikan siya ng aroganteng binata. Nilagyan niya ng coffee beans ang expresso maker na naroon sa kusina.
Sumandal siya sa may gilid ng lamesa habang hinihintay ang kaniyang tinitimplang kape. Nakahalukipkip siya habang nakatingin doon, nang makita niya ang tinapay sa may cabinet ay kinuha niya iyon. Kumuha rin siya
