FAYE
Isang beses lang tumawag sa akin si Sir Adi simula nang ihatid niya ako dito sa silid na tinutuluyan ng mga magulang ko at sinabing aalis siya at nagpaalam na pupuntahan niya ang kaniyang pinsan, pero iyon na ang huli kong balita sa kaniya.
Kanina pa ako hindi mapakali. Katulad ko, ganyan rin ang nararamdaman ng aking ina. Maging si Mama ay hindi ko na mabilang kung ilang ulit siyang nagtanong sa akin kung may balita na ba ako kay Sir Adi.
Nang magising si Papa, natuwa siya nang makita ako. Maging si Don-Don ay nagulat rin dahil hindi niya inaasahan na makikita ako dito sa ospital.
Lumipas ang isang oras, pero wala na kaming natanggap na balita. Ilang ulit nang tinawagan ni Mommy si Sebastian Mondego at nagtanong tungkol kina Daddy at Mira, pero iisa ang naging sagot nito sa kaniy
