FAYE
Kahit malamig ang tubig ay naligo agad ako. Binilisan ko na rin dahil baka kung ano na naman ang marinig ko kay Sir Adi kapag nagtagal ako dito sa banyo.
Tama naman siya, kaya hindi na ako sumagot kanina. Oras na ito ng trabaho ko ngayon, kaya hindi ko dapat gamitin ito sa personal na gagawin ko.
Nangako ako sa aking sarili na babasahin ko mamaya ang kontratang pinirmahan ko para alam ko ang mga rules and regulations ng boss ko dito sa loob ng bahay dahil siguradong pagagalitan na naman niya ako kapag hindi ko iyon sinunod.
Mabilis akong magbihis, at kahit basa pa ang aking buhok ay tinalian ko ito pataas dahil ayaw ni Sir Adi na nakalugay ang buhok ko kapag inaalagaan ko si Baby Janica.
Wala na sa veranda sina Sir Adi nang bumalik ako. Pumunta ako sa sala, pero hindi ko rin sila
