FAYE
Naibagsak ko ang hawak kong kutsara, kaya lahat ay napatingin sa akin nang marinig nila ang malakas na kalansing nito sa pinggan ko. Tuluyang naputol ang pagtitimpi ko kay Mr. Mondego, kaya harapan ko siyang tiningnan ng masama para makita niya na galit ako sa kaniya.
“Mas mabuting umuwi na po kayo bago pa ako may masabing hindi maganda,” matigas kong sabi, pero nginisihan lang niya ako.
“Hindi na bago iyan sa akin, Faye,” sagot ni Mr. Mondego. “Kailan ka ba may sinabing maganda sa akin?”
Tuluyang nalukot ang mukha ko. Nagtitimpi ako sa galit na aking nararamdaman, pero talagang sinasagad niya ang aking pasensya.
“Hindi mo deserve ang makarinig ng magandang salita mula sa akin, Mr. Mondego!” galit na sabi ko sa kaniya.
Gumalaw ang kilay ng matandang kaharap ko at pagkatapos, bum
