FAYE
Madaling araw na naman kami nakauwi ni Sir Adi dahil napasarap ang kuwentuhan namin sa bahay ng kaniyang mga magulang. Dahil sa pagod, nakatulog na ako sa loob ng sasakyan habang pauwi kami at ginising na lamang ako ng asawa ko nang makarating kami dito sa bahay.
Mabuti na lang at gising pa si Armida at mukhang naghihintay sa amin nang pagbuksan niya kami ng pintuan. Nakiusap ako sa kaniya na ilagay sa refrigerator ang mga dala kong pagkain para hindi mapanis.
Antok na antok na ako, pero minabuti kong maligo dahil nahihiya akong tumabi sa asawa ko ng walang ligo.
Malinis sa katawan si Sir Adi, kaya sumabay na akong maligo sa kaniya dahil gusto ko na talagang matulog.
Mabuti na lamang at hindi niya ako kinulit habang naliligo kami dahil nakita naman niya na pagod na pagod ako.
“D
