FAYE
Wala na akong ibang naririnig sa paligid ko kundi ang malakas at mabilis na pintig ng aking puso, pati na rin ang mga sinasabi ng lalaking nasa likuran ko.
Hanggang ngayon ay hindi pa rin niya inaalis ang nguso ng hawak na baril na nakatutok sa batok ko. Para bang isang maliit na pagkakamali ko lang ay kakalabitin niya ito, kaya kahit nakakaramdam ako ng labis na takot, pilit na kinakalma ko ang aking sarili.
Hindi ko alam kung ano na ang nangyayari sa mga kasama ko dahil wala naman akong narinig na putok ng baril. Maging ang mga tauhan ng lalaking bumihag sa akin ay hindi ko na alam kung saan sila nakarating dahil kahit paulit-ulit siyang sumisigaw at tinatawag sila, ay walang sumasagot sa kaniya.
“Kazimir! Lumabas ka d'yan! Huwag kang duwag!” malakas na sigaw ng lalaking bumihag
