FAYE
Ang akala ko'y nasa loob ng kaniyang opisina ang asawa ko, kaya pinuntahan ko siya, pero sarado ito at hindi ko mabuksan. Hinayaan ko na lamang dahil inakala kong may trabahong ginagawa si Sir Adi sa loob.
Naisip ko na baka iyon ang dahilan kung bakit hinahanap ni Kuya Romeo ang asawa ko kanina, dahil mukhang mahalaga ang kanilang pinag-usapan nang tawagan ni Sir Adi ang kaniyang kaibigan. Kaya hindi ko na siya pinuntahan para hindi maistorbo.
Lumabas na lamang ako ng silid namin para magtimpla ng kape para sa kaniya, dahil isa ito sa pabirong inumin ng asawa ko.
“Bakit nagtitimpla ka ng kape, Faye?” tanong ni Armida sa akin. “Ikaw ba ang iinom n'yan?”
“Hindi,” nakangiti kong sagot. “Alam mo naman na hindi ako uminom ng kape.”
“Oo nga,” sagot ni Armida. “Para kanino ‘yan?”
“Par
