NAKATULOG si Farah sa kuwarto ni Derek. Nagising siya madilim na sa labas. Napagod siya sa maghapong gala nila at paghahanap ng mga kabebe. Bumangon siya at lumabas ng kuwarto. Naroon siya sa second floor. Hindi niya namalayan ang paglipat sa kanya roon ni Derek mula sa yate.
Nakabibingi ang katahimikan. Pagbaba niya sa salas ay naamoy niya ang mabangong niluluto mula sa kusina. Tinungo niya ang kusina. Naroon si Derek nakaupo sa tapat ng preparing table. Nagmumula pala sa oven ang mabangong naamoy niya. May nakasalang doon na buong manok. Brown na ang kulay, senyales na maluluto na ito.
Tumingin sa kanya si Derek. Malapad itong ngumiti. “Ang tagal mong magising kaya ako na ang nagluto,” sabi nito.
“Ano ba ‘yang luto mo sa manok?” tanong niya. Lumapit siya rito at umupo sa katabi nitong
