"Hendrix!" galit na putol ni Don Herardo sa anak. Samantalang sina Ice ay patuloy lang sa pakikinig at nakikiramdam sa mag-ama. Lahat sila ay nararamdaman na ang tumataas na tensiyon sa paligid. "Hindi kita t-in-rain na maging isang magaling na negosyante simula pa pagkabata para lang maging gang lord ng maliit na grupo. And I never raised you just to insult me in front of my men. Wala kang utang na loob!" Napatayo sa executive chair si Don Herardo at namumula sa galit na hinarap ang anak.
Gayon pa man ay nanatili pa rin na kalmado sina Ice. Batid nilang lahat na hindi sila puwedeng mangialam sa away o pagtatalo ng mag-ama. Puwera na lang kapag mayroon sa mga ito ang humingi ng tulong. Ngunit ni minsan ay hindi pa naman iyon nangyayari. Parehong matapang ang dalawa at walang gustong magpa
