"Dito rin ba ako titira habang binabantayan mo ako?" sa halip ay parang wala sa sarili na tanong ng dalaga.
"Paano kita mababantayan kung sa ibang bahay ka titira?"
Napakagat-labi si Vivian. Oo nga naman. Ano ba itong nangyayari sa kaniya? "Kasi baka nakakaistorbo ako sa'yo." Sumulyap siya sa kama.
"Don't worry. Malawak naman ang sofa at sahig," biglang wika nito na nahulaan ang nilalaman ng isip niya.
Gusto sanang sabihin ni Vivian na puwede naman silang mag-share sa kama dahil malawak naman iyon. Pero hindi na niya isinatinig at baka bigyan lang nito ng ibang meaning.
"Kung hindi ka komportable sa ganitong setup, puwede kang mag-suggest sa Kuya mo ng mas malawak na apartment, iyong may kuwarto." Naglakad ito papunta sa kama at ipinatong doon ang bag niya. "Ideya naman niya ito pa
