EENOS NIKOLAI BERMUDEZ
__
"Hindi mo binantayan ang mga pananim, huh?" Narinig kong malamig na sambit ni tatay.
Hindi ako tumingin sa kaniya. Nanatili akong nakaupo sa puwesto ko habang nakakaramdam pa rin ng bigat ang katawan at ng pagkahilo.
"Ilang araw ka nang umiinom. Anong nangyayari sa'yo, huh?"
Muli akong nagsalin ng alak sa baso ko. Akmang iinumin ko iyon pero tinabig iyon ni tatay. Kinuha niya ang kuhelyo ko patayo at nagngangalit na tumingin sa akin.
"Nagkakaganiyan ka ba dahil sa babae mo? Eenos, sinabi ko na sa'yong tigilan mo ang pagiging ilusyunado—" Napatigil ito nang marahas kong ilayo ang mga kamay niya sa akin.
"Tama na. Hindi ko kailangang makarinig ng kahit ano mula sa'yo."
Tinuro ako nito. "Ayusin mo ang buhay mo, ha. Tigilan mo 'yang kagaguhan mo at tulungan mo
