NANATILI akong nakaupo doon sa kama. Tulala. Kailangan ko na makaalis dito bago sumikat ang araw. Mas mahihirapan ako kapag pinaabot ko ito ng bukas. Mas madali akong makita kung sakaling makalabas ako dito. Isa pa, hindi ako sigurado na baka pagmulat ko wala pa si Mr. Cheng. Malay ko kung maaga siyang darating bukas.
Bumuntong-hininga ako at tumayo. May naisip ako pero hindi ako sigurado kung epektibo ito. Ala-una na rin naman. Sapat na iyon para masabing nagutuman ako.
Kinalampag ko iyong pinto.
"Kuya! Nagugutom ako!"
Huminto ako at pinakinggan kung may tao ba sa labas pero mukhang wala. Sinubukan kong kalampagin ulit ang pinto. Hindi ako makalabas dahil naka-lock din.
"Nagugutom ako! Sumasakit na ang tiyan ko! Hoy!"
Halos mamula ang mga kamay ko dahil sa panay ang kalabog pero w
