Chapter 101
Habang tumatangis si Carrie sa gitna ng entablado ay inawit ko ang kantang ako mismo ang sumulat... kanta na ang nais iparating na finally ay malaya na ako. Lumabas din ako sa pinagkukublihan. Ang kaninang 'boo' na naririnig ko ay napalitan ng hiyawan. Tumutok sa akin ang camera at ngayon ay talagang nasa akin na ang spotlight. Umawit ako na wari'y inilalabas ko sa bawat lyrics ng kanta ang mga emosyon ng babaeng matagal na ikinulong at ngayon ay malaya na. Habang nasa gitna pa rin ng entablado si Carrie na iyak nang iyak.
"No more shadows, I'm stepping to the light..." awit ko habang pumapatak na rin ang luha. Luha na hindi katulad ng kay Carrie. Luha ito ng galak. Finally, finally malaya na ako.
Pagkatapos ng kanta ay nagpalakpakan ang mga audience. Sa dami ng tao rito a
