INIWASAN ako ni Belinda. Okay na din naman sa akin kaysa lagi kaming maghaharap tapos mag-aaway lang kami. Pakiramdam ko si Mommy ay manlalamig na din sa akin. Hindi naman kami nagkakasalubong pero tingin ko kung sakali man hindi niya ko ngingitian. Nagkikita lang kami kapag oras na ng pagkain.
Sabay-sabay kami sa umaga. Sa tanghali ay kaming tatlo na lang. May mga nakapaligid na katulong at ang focus lang ni Mommy ay kumain. Noon naman hindi niya ko talaga madalas kausapin. Iyong bumalik ako dito galing sa paglalayas. Parang hinayaan niya na lang ako. Pero ngayon ganoon pa rin naman kaya lang iba talaga ang pakiramdam ko sa kanya.
Sa gabi, sama-sama ulit kaming apat sa pagkain. Busy ako buong araw sa pag-aaral. Hindi rin ako inistorbo ni Philip at alam kong abala naman kasi siya talaga
