NATULALA ako habang nakahiga sa kama. Sabi ko pagod ako dahil sa maraming nangyari ngayong araw pero tila ba hindi ako dapuan ng antok dahil sa pabalik-balik sa isip ko iyong nangyari kanina. Iyong mga salita ni Philip hindi na umalis sa utak ko.
Matapos niya akong ihatid ay pinatawag siyang muli ni Daddy sa library. Akala ko pati ako ay kakausapin din. Iyong tungkol sa sinasabi ni Philip. Hanggang ngayon 50/50 pa rin ako sa sinasabi niya. Parang totoo na parang gawa-gawa lang.
Akala ko tatawag siya sa akin o hindi kaya hahanapin ako kapag uuwi na pero hindi nito ginawa. Nag-dire-diretso ito ng uwi. Narinig ko na lang iyong papalayong sasakyan niya kaya alam ko na umalis na siya.
Hindi na rin nagpapakita si Belinda kay Philip. Marahil nga sinabihan din si Belinda na dumistansya na rin s
