MABUTI na lang talaga at may tubig sa banyo doon. Nakuha kong maglinis ng sarili pero aminado akong masakit ang pagitan ng hita ko. Kaya ko namang maglakad at magpanggap na normal lang kung kinakailangan.
"Are you sure you are okay?"
Paulit-ulit niya na kong tinatanong niyan habang nagbibihis ako at siya nasa banyo naghuhugas.
"Kaya ko naman. Bilisan mo na natin kasi baka hinahanap na ko... o ikaw," sabi ko at inayos ang aking buhok.
Mabilis naman din kumilos si Philip. Brief at shorts lang naman ang sinuot niya kaya mabilis na natapos. Paglabas namin ng kubo malubog na ang araw!
Napangiwi ako. Nagkatitigan kaming dalawa. Iba ang kislap ng mga mata ni Philip. Namumula maging pisngi niya. Iyong totoo? Siya yata ang babae at biglang nag-blooming.
"O, bakit?" tanong ko dahil titig na ti
