NAGPASYA kaming maligo at manatili sa dalampasigan hanggang sumapit ang tanghalian.
“Ang itim ko na! Ang tagal kasi natin nakababad sa araw.” Natatawa kong sabi habang pabalik kami sa building.
“Maganda ka pa rin naman kahit matusta ang balat mo.”
“Ganda ng linyagan natin, ah!” biro ko na siyang ikinatawa nito.
May caretaker na sumalubong sa amin pagdating sa building.
“Gov, naka ready na po ang lunch.”
Sumunod kami sa kanya at dinala sa admin office. May lamesa at dalawang upuan doon. Nakahanda na rin ang mga pagkain.
“Sorry, we have to eat here. The restaurant is still under construction.”
“Okay lang naman.” Ngumiti ako at umupo sa silyang hinila niya para sa akin.
Maraming pagkain sa lamesa. May seafoods , liempo at sariwang prutas tulad ng mangga at watermelon.
“Ang dami mong
