NATULOS ako sa kinauupuan. Walang ibang reaksyon si Philip. Napatingin siya sa kanan kung saan si Belinda.
Umungol si Philip. Tila ba nahihirapan magsalita. Marahil kasi sa tagal niyang nakaratay. Kaya ganoon. Kitang-kita ko kung paano ngumiti si Philip kay Belinda. Para akong pinagsakluban ng langit at lupa.
Alanganing tumingin sa akin si Belinda. Marahil siya ay nakukutuban na rin pero ni isa sa amin ay walang nagsasalita. Saglit yata akong nakalimot na huminga.
"T-tubig..." aniya.
"H-huh?" maang na tanong ni Belinda tapos ay napatingin sa akin. Nanunubig ang mga mata ko dahil sa halo-halong emosyon. Nag-uumapaw ang saya ko dahil gising na si Philip pero bakit nilulukob ng takot at kaba ang puso ko.
"Tatawagin ko si Doctor Mijares," tangi kong nasabi matapos kong tignan ang nanging
