Ellise Nikyle's P. O. V.
Nakasuot ako ng pink dress na sleeveless, susuotin ko na ito hanggat kasya pa sa akin. Lalo na at lumalaki na ang tiyan ko. Kailangan ko na ng maraming maternity dresses and clothes. Nakaharap ako sa vanity mirror at kinuha ang curler.
"Babi, magkukulot ka pa ba ng buhok?" tanong ni Amiel.
"I just want to look pretty," sabi ko.
"Maganda ka na, palagi."
Napatingin ako sa kaniya mula sa salamin dahil nakatayo ito sa likod ko. Napangiti ako habang pinapanood siyang isuot ang relo niya. Simpleng t-shirt na polo lang ang suot niya at slocks. Ang gwapo niyang tingnan, Tito vibes.
"Sabi ng parents mo, na-miss nila ako. Syempre gusto ko maging mas maganda ngayon. May mga kasabihan kasi na porket nakapag-asawa na, nalolosyang na. Do I look losyang to you?" tanong ko.
