Hindi madali ang para sa akin na manatili lang sa bahay kasi sanay akong magtrabaho. Halos natingnan ko na lahat ng mga photo album ni Omar at tapos na rin akong magluto ng itlog para sa aking lunch.
Sa sobrang bored ko, naisipan kong matulog na lang siguro. Pumasok ako sa silid na ipinagamit ni Omar sa akin at matapos kong buksan ang AC unit ay kaagad na akong nahiga. Ipinikit ko ang aking mga mata at ‘yon na ang huli kong natandaan bago ako naglakbay sa mundo ng panaginip.
*****
Nakahiga na ako upang matulog pero hindi pa rin mawala ang ngiti na nasa aking labi. Masaya lang talaga ako! At iyon din siguro ang dahilan kung bakit napannaginipan ko si Dao Ming Si, ang leader ng F4 sa Meteor Garden na pinapalabas ng ABS-CBN. Sa aking pannaginip hindi si Shan Cai ang love
