“SUBUKAN mo pa siya uli na hawakan at siguradong hindi ka na makakalabas nang buhay dito sa underworld,” nagtatagis ang bagang na banta ni Reese sa miyembro ng Mad Bodies na humawak sa braso ni Sky Jewel kanina.
Napanganga naman sa gulat ang lalaki na tuluyan nang bumagsak sa sahig habang dumudugo ang bibig, nang makita kung sino ang sumapak dito. Samantalang hindi naman nakaimik ang mga kasamahan nito. Ni walang tumulong para patayuin ito. Kulang na lang ay manigas sa kinatatayuan habang nakamasid kay Reese.
“Re—” Kinabahan siya nang muntik na niyang mabanggit ang totoong pangalan nito. “Boss LuShang, please, enough…” saway ni Sky Jewel sa asawa, sabay hawak sa braso nito nang aktong susugurin uli nito ang lalaki. Bigla siyang nataakot nang makitang papalapit sa kanila ang mga security
