TULALA ako sa ere habang pinagmamasdan ang mga punong hinahampas ng med'yo malakas na ihip ng hangin. Naka-upo ako sa balcony habang niyayakap ko ang sarili na may naka-palupot na tuwalya sa aking likuran pati sa harapan. Kanina... pinaliwanag n’ya sa ‘kin ang lahat pero hindi ako nag-salita. Hindi ko s’ya kinausap.
Umalis ako sa k’warto n’ya at kaagad na naligo sa banyo ko. Kasabay ng tubig na bumababa sa katawan ko kanina, panay tulo ang mga luha ko dahil sa mga naiisip ko. Nanginginig ako, natatakot ako. Hindi ko gustong maalala kung ano man ang nangyari. Aaminin kong sinisisi ko ang sarili ko dahil uminom pa ako at lasing din pala s’ya!
Sinabunot ko ang sarili kong buhok gamit ang magkabila kong kamay habang naka-tukod ang dalawa kong siko sa ibabaw ng mesa. Sobrang sakit pa ng kata
