PINIGIL na ni Alina si Elias sa paglitanya sa lola nito. Humagulgol na kasi si Lola Cora, tila may napagtanto ito dahil sa mga sinabi ni Elias.
“Tama na, Elias. Pinasasama mo lang ang loob ng lola mo, eh,” awat niya sa asawa.
“I didn’t mean it, Alina. I’m just telling the truth, and the truth hurts, right? Huwag n’yo na lang akong kausapin tungkol sa mga bagay na ayaw kong pag-usapan,” suplado nitong sabi. Inilapag nito sa lamesa ang bowl ng salad at biglang lumisan.
Hinayaan na niya ang asawa at inalalayan si Lola Cora. Niyakap niya ito at hinayaang umiyak sa kaniyang braso.
“Tama na po, Lola. Huwag n’yong dibdibin ang sinabi ni Elias,” alo niya sa ginang.
“Tama naman siya, Alina. Ang dami kong pagkukulang sa nasira kong asawa. Namatay nga siya na wala ako sa tabi niya. At noong nabu
