NAKATANGGAP ng katakot-takot na sermon si Vladimir mula kay Alejandro. Pinakita kasi niya rito ang screenshot ng conversation nila ni Aliya Mendez. Kauuwi lang nila ni Annie mula palengke at naroon na sa bahay niya si Alejandro.
“Wala akong naintindihan sa mga sinabi ni Aliya,” aniya.
“Dapat nagpakilala ka na kaibigan ng papa niya,” sabi naman nito.
“Wala ka namang instruction kung paano kausapin si Aliya. You didn’t inform me how stupid she was.”
“She’s not stupid. Aliya was just a sassy girl, minsan makulit. Baka inisip niya gusto mo lang makipag-flirt.”
“Tsk! Ikaw na lang kasi ang mag-chat sa kaniya. Gamitin mo ang dummy account ko at magpakilala ka.”
“Hindi ako puwedeng magpakilala.”
“At bakit? Paano niya mapupuntahan ang burol ng tatay niya?”
“May tao na akong inutusan na magp
