“I KNOW that. I have my own strategy, too,” sabi ni Vladimir.
“Huwag kang padalus-dalos, Vladimir! Nakasalalay sa mga desisyon mo ang kapalaran ng kapatid ko!” gigil na saad naman ni Jake.
“Magtiwala ka kasi sa akin. Puro negatibo ang isip mo, hindi ka na nga nakakatulong, kontrabida ka pa!”
“Ano?” Napatayo na si Jake.
Nanrindi na si Annie sa ingay ng dalawang lalaki kaya tumayo na rin siya. “Tama na nga! Aalis na kami, Kuya,” aniya, sabay paalam sa kapatid.
Tumayo rin si Vladimir. “Relax ka lang, Jake. Bago makuha ni Black mamba si Annie, dadaan siya sa bangkay ko at hanggat nabubuhay ako, hindi siya magtatagumpay!” pahabol pa nito.
Hindi na umimik si Jake.
Lumisan na rin sila dahil nakabantay na ang jail guard at napansin ang ingay nila.
“Ang kunat ng kuya mo, sarap tirisin!” mak
