GINISING si Annie ang matinding kirot sa sintido at panay ang kaniyang bahin. Uminit na rin ang kaniyang mga mata. Naisip niya na epekto na iyon ng sobrang lamig na klima sa Benguet at noon lang umipekto sa kaniyang katawan. Bumangon pa rin siya at naligo.
Kaso lalong sumama ang kaniyang pakiramdam kaya nag-cancel ulit siya ng duty sa ospital. Lumabas siya ng kuwarto at nagtungo sa kusina. Naroon na si Vladimir at may niluluto sa kawali. Nakasuot lamang ito ng itim na boxer at sandong puti na hapit sa katawan nito.
“Papasok ka na sa trabaho ‘di ba?” tanong nito.
“Hindi muna. Masama kasi ang pakiramdam ko. Para akong sisipunin,” aniya.
“Uminom ka ng gamot.”
Nilapitan niya ito at sinilip ang nasa kawaling hinahalo nito. “Giniling na baka ba ‘yan?”
“Oo, pagkain ng aso ni Alejandro.”
“K
