HINDI pa rin maalis ang pag-aalala ni Annie kay Vladimir. Hindi siya sanay na sobrang seryoso nito. Pakiramdam kasi niya ay bumabalik ito sa dati na hindi man lang makangiti.
Nang makaluto sila ng kanin at ibang side dishes ay hinakot na nila sa labas ang mga ito. May ilaw naman sa tabing dagat at naglabas ng mahabang lamesa si Vladimir. Doon na sila kumain lahat.
Isa rin pala sa pakay roon ng mga kaibigan ni Vladimir ay para bumili ng kotse. Wala palang kotse si Yoshin at nakikisakay lang kay Chase. Wala rin umano itong bahay.
“Bakit ayaw bumili ni Yoshin ng property rito?” usisa niya kay Vladimir.
Naiwan na silang tatlo kasama si Alejandro. Sumama kasi sina Yoshin at Chase sa tauhan ni Vladimir para tumingin ng kotse sa auction.
“Hindi pa kasi siya sure kung magtatagal dito sa Pili
