HUWEBES ng hapon ay nakapag-duty pa si Annie sa clinic. Isang clinic lang ang pinuntahan niya dahil mag-e-empake pa kasi sila ni Vladimir. Madaling araw kasi ng Biyernes ang biyahe nila papuntang Subic Bay. Sabado naman ng gabi ang alis nila papuntang Italy kasama sina Dwayne at Ingrid pati mga anak.
Natiyempuhan pa ni Annie si Mrs. Morales na nagbalik dala ang result ng blood sugar test nito. Nasa boundary ang glucose level ng ginang kaya binigyan niya ng contact details ng endocrinologist para matutukan ito.
“Hindi ba puwede na sa ‘yo na lang ako magpakonsulta palagi, Doktora?” ani Mrs. Morales.
“Puwede po pero since my history na kayo ng diabetes, mas mainam na magpakonsulta pa rin kayo sa espisyalista. Mas matutukan kasi niya kayo. Regarding naman sa ibang medical problem ninyo o mg
