NAKAUWI na sila ng bahay nang maalala ni Vladimir ang bag ng chocolate. Ang isang kahon na golden lebel chocolate lang ang nabitbit niya kasi pinapapak habang nagmamaneho.
“Saan mo ba iniwan?” tanong ni Annie.
“Bitbit ko kanina pagpasok natin sa restaurant. Naiwan ata sa lamesa,” aniya.
“Nako! Wala na ‘yon. Baka nakuha na ng ibang tao. Pero hayaan mo na. May nadala ka namang isang box.”
“Hindi mo pa natikman iyong dark chocolate na may silver lebel.”
“Ayos lang. Hindi rin naman ako masyadong mahilig sa chocolate.”
“Akin na pala itong natira,” hirit niya.
Napangiti ang dalaga. “Take that.”
Tumuloy na sila sa bahay at doon kinain ang nabili nilang dinner mula sa restaurant. Maaga silang nakauwi dahil konti lang ang pasyente sa huling clinic na pinuntahan nila.
Nauna siyang natapos k
