"LOLO..." Naglalambing ko na niyakap si lolo. Lumuhod ako sa harapan niya at inihiga ko ang ulo ko sa kandungan niya habang ang mga kamay ko ay maluwag na nakapulupot sa tiyan niya.
Nandito sila ni Yaya Anette sa may vegetable garden sa may backyard. Pinuntahan ko lang sila nang hindi ko sila makita sa loob ng bahay. Maaga pa kaya naisip ko na pinapaarawan ni Yaya si Lolo. Ugali na nila ang ganito dahil kailangang makalanghap din ng sariwang hangin si Lolo. Payo ng doctor sa kanya.
At itong vegetable garden ay ideya ni Yaya Anette. Actually, ito ang kaharian niya raw rito sa bahay. Bata palang ako ay iniungot na niya ito kina Papa at Lolo para raw fresh na vegetables ang kakainin namin. Tipid na ay healthy pa. At dahil hindi na nga iba ang turing nina Papa at Lolo sa kanya ay pinagbigyan
