Hindi ako magkandaugaga sa pagbubuhat ng mga dala ko habang papasok ako ng boarding house kung saan ay umuupa ako. Mabigat ang bitbit kong groceries at ilang beses akong tumigil para magpahinga. Nakakainis kasi iyong driver ng tricycle. Sabi ko buhatin hanggang sa loob ng boarding house, iniwan ba nama ako bigla ng siste! Nagmamadali yata dahil may tumawag sa kanyang pasahero kaya hinayaan ko na lang din.
Hapung-hapo na pinunasan ko ang aking pawis at saka ko pinaypayan ng hawak kong panyo ang noo ko at leeg ko. Ang aga-aga pa lang naman. Alas-otso pa lang ng umaga pero sobrang init.
Hays…palala na yata nang palala ang pagkasira ng ozone layer dahil sa kapabayaan ng mga tao. Kawawa naman ang mga susunod na henerasyon.
At bago pa kung saan-saan umabot ang takbo ng isip ko, nagpasya na a
