NANLALAMBOT pa rin ang pakiramdam ni Tami nang mga sandaling iyon. Nagduduwal siya kanina at alam naman niya na normal iyon sa isang buntis. Hinayaan na muna niya na ang mga personal yaya ng kaniyang mga anak ang magbantay sa mga iyon dahil heto pa rin siya hanggang ngayon sa kaniyang kama, nakahiga.
Medyo nahihilo rin siya kaya naman pinili niya ang magpahinga muna. Muli niyang ipinikit ang kaniyang mga mata, ngunit hindi naman siya dalawin ng antok.
Napamulat siya nang tumunog ang telepono. Connected din iyon sa telepono na nasa ibaba. Dahil malapit sa kaniyang kinahihigaan kaya naman siya na ang sumagot.
“KG?” agad na wika ng isang hindi pamilyar na boses ng babae sa kabilang linya.
Kumunot ang noo ni Tami. “Who’s this?” sa halip ay tanong niya.
“Oh—” iyon lang ang narinig ni Tami
