“Are you sure? Hindi ka matatakot?” ani KG na pumihit pa ng upo paharap sa kaniya.
“Hindi po ako matatakot. At saka, siguradong matagal pa ‘yon. Just promise me, we’ll do that next time. Sabay tayong tatalon para mas masaya.”
“At isisigaw mo kung gaano mo ako kamahal,” dagdag pa nito.
“Ikaw rin,” hirit pa niya.
“Okay. It’s a deal, then,” ani KG na nakipag-pinky promise pa sa kaniya. Pagkuwan ay agad siyang kinintalan ng halik sa labi habang magkahawak pa ang kanilang mga kamay.
Nangingiti si Tami nang maglayo ang mga mukha nila ni KG. Sa future, isang bagay ang magkasama nilang tutuparin ni KG. Iyon ay ang magkasamang balikan ang lugar na iyon at tuparin ang isang bagay na ipinangako nila sa isa’t isa.
Muli silang bumaling sa haring araw. Nang tuluyan iyong lumubog, bagaman at kalat
