“Gustong-gusto ka nilang lahat,” bulong pa niya sa kaniyang asawa.
Hinapit siya nitong lalo palapit sa katawan nito. “Immune na ako sa mga ganiyan,” walang halong pagyayabang na wika nito.
Nangingiting ibinalik niya ang tingin sa puntod ng kaniyang lolo’t lola. Pagkuwan ay hinila niya sa kamay si KG palapit sa kinaroroonan ng kaniyang ina na nakaupo na ngayon sa isang puting silya na yari sa plastik. Katabi nito ang kaniyang ama. Ang Ate Shantal niya ay missing in action na agad doon. Mukhang nauna na ring umuwi.
Kinuha niya ang isang silya at inilapit sa tabi ng kaniyang ina. Umangkla siya sa braso nito at humilig sa may balikat nito. Walang salita ang namutawi sa kaniyang bibig. Sapat na ang kilos niyang iyon para ipadama sa kaniyang ina ang presensiya niya sa tabi nito.
Sigurado siy
