Halos mabingi siya sa lakas ng kabog ng kaniyang dibdib. Sobrang kinabahan siya sa posibilidad na maaaring gawin ni Tami. Paano kung hindi siya dumating agad?
“I hate you, KG! I hate you so much!”
“This past few days, remember? Bumabawi ka dahil ano? Dahil may kasalanan ka? Sabihin mo lang kung… kung hindi mo naman ako kayang mahalin, tatanggapin ko naman, eh. Dahil sa huli… Dahil sa huli, iiwan mo pa rin ako sa ere. Katulad ng ginawa mo sa akin noon! KG, pagod na ako. Pagod na pagod na akong masaktan. Ayaw ko na…”
Mariing napapikit si KG sa partikular na alalahaning iyon. Animo pinipiga na naman ang kaniyang puso. Pero bago mangyari ang araw na iyon ay ramdam niya ang pag-iiba ni Tami. Okay pa sila nang magpaalam ito sa kaniya na magpapaalam lang ito sa mga magulang nito na uuwi na sil
