“The damage has been done, KG. Akala mo ang tatag-tatag ko noon kapag nakikipagsagutan ako sa iyo?” Umiling-iling siya. “H-hindi. Dahil oras na tumalikod ako sa iyo, tutulo na lang ‘yong luha ko. Ang bigat-bigat ng pakiramdam ko. Minsan… minsan, nahihiling ko na sana mawala na lang ako para matapos na ‘yong sakit na araw-araw mo na lang pinararamdam sa akin. Mukha naman kasing walang kaso kahit mawala ako sa buhay mo.”
“That’s not true,” mariin nitong apila sa sinabi niya.
Pumikit siya. “Ayaw ko ng maramdaman ‘yong ganoon, KG. ‘Yong dumating sa point na sobrang suicidal ng pakiramdam ko,” mariin niyang nakagat ang ibabang-labi dahil ang hikbi niya ay malapit ng mauwi sa hagulhol. Lalo na kapag naiisip niya ang naging sitwasyon niya noon.
“I promise,” pangako nito. “Hindi ko na hahayaan
