Kanina ay nagpaalam pa sa kaniya si KG na gusto nitong uminom ng beer. Wala naman iyong kaso sa kaniya kaya pumayag siya. Kumuha lang ito ng apat na can ng beer at inilagay sa maliit na cooler. Nilagyan pa nito iyon ng ice cubes para ma-preserve ang lamig.
“Thank you, hubby,” aniya sa asawa.
Nag-squat ito sa may harapan niya. “Sabihin mo lang sa akin kapag masakit pa. Hmmm?”
“Hubby, hindi naman siya sobrang sakit. Don’t worry.”
“Still,” anito na hinawakan ang kamay niyang napaso. “Alam kong medyo makakaramdam ka ng sakit.” Tinanggal muna nito ang hawak niyang beer. Pagkuwan ay ginawaran nito ng banayad na halik ang kaniyang palad. “There, mas magiging okay na ‘yan,” nangingiti nitong wika nang muling ibalik sa kaniyang mukha ang tingin.
Gumuhit ang ngiti sa labi niya. “Salamat.” At ha
