“Sigurado ka?” paninigurado pa niya rito.
“Hmmm. May gusto ka pa bang puntahan?”
Umiling siya.
“Are you sure?”
Kahit gustuhin pa niyang makasama ito ng matagal, hindi naman maaari dahil hindi siya puwedeng gabihin sa pag-uwi.
“Hindi ako puwedeng gabihin sa pag-uwi,” aniya sa nasa isip.
“Okay. Then, ihahatid na kita sa inyo.”
Tumango siya. Pagkuwan ay natigilan nang muling ilahad ni KG ang kanan nitong kamay sa harapan niya.
“Baka mawala ka,” nangingiti pa nitong wika.
“Nakasunod lang naman ako sa iyo,” dahilan pa niya kahit na nangangati na ang kaniyang palad na hawakan din ang kamay nito.
“Whatever,” anito na nagkusa na naman na hawakan ang kaniyang kaliwang kamay bago ito muling nagpatuloy sa paglalakad. Bahagya pa nitong hinigpitan ang pagkakahawak sa kaniyang kamay para hindi
