“Not a big deal, KG, kung sino man ang tinatawagan ko,” aniya na uminom ng pomelo juice.
“Kino-contact mo ba si Santi?”
Nasamid siya sa klase ng tanong nito. Medyo inubo tuloy siya. Nang mahimasmasan sa pag-ubo ay muli niyang tiningnan si KG. “Si Santi? Paano ko siya matatawagan kung pinunit mo na ‘yong calling card na ibinigay niya sa akin?” paalala niya rito.
Nagkibit-balikat ito. “Kapag gusto, maraming paraan. Maybe, you memorized his phone number.”
“KG, napaka-advance mo talagang mag-isip. No wonder, sinabayan mo akong kumain para lang itanong ang walang kuwenta na bagay na ‘yan. Anyways, salamat sa idea. Sa susunod na bigyan ulit ako ni Santi ng number niya, mememoryahin ko na. Para kung punitin mo na naman ay memoryado ko na.”
Napakislot si Tami nang magdulot ng ingay ang pagkak
