Six years later…
“WALA bang aamin kung sino ang nakabasag nitong vase?” seryoso at walang kangiti-ngiting tanong ni Tami sa kaniyang mga anak na ngayon ay mga yukong-yuko ang ulo. Nang hindi magsalita ang isa sa mga ito ay muling nagsalita si Tami. “Wala ba talagang magsasalita sa inyo? Isa… dalawa… tat—”
“M-mommy, si Jamil po,” sumbong ni Gio sa bunsong kapatid ng mga ito.
“Eh, mommy, sabi po kasi ni Kuya Ken na maglaro kami ng habulan, eh,” katwiran pa ng limang taong gulang na si Jamil. Ang bunso sa magkakapatid at siyang pinakamakulit sa mga ito.
“Uy, sabi ko nga sa labas tayo maglaro, eh. Ikaw itong mapilit na dito na lang sa loob. Ayan tuloy, nakabasag ka ng vase,” katwiran naman ni Kennedy.
Napapailing na ibinaling niya ang kaniyang tingin sa bunsong anak na si Jamil. “An
