NATIGILAN si Tami nang makita ang kaniyang mga dalang gamit na nakaayos na sa may gilid ng kama, sa may tabi ni KG, na nakaupo rin sa may tabi niyon. May nakalabas ng damit na isusuot niya na nakapatong sa may tabi nito.
Katatapos lang niyang maligo. Kahit paano ay naibsan ang animo pagkabiyak ng ulo niya dahil sa hangover. Nakasuot lang siya ng roba at wala ni isang saplot sa loob niyon. “Bakit hindi ka pa umaalis?” walang kangiti-ngiti niyang tanong kay KG.
“Magbihis ka na,” sa halip ay wika nito. “Para makakain na tayo ng almusal.”
Saka lang niya napansin ang pagkaing nakahain sa may lamesa na nasa gilid ng glass wall. Lihim siyang napalunok.
“Gusto mo ba, ako na ang magbihis sa iyo?” ani KG na kinuha na sa kama ang kasuotan niya at inilagay sa may kamay niya nang hindi siya matinag
