Chapter 39
Hindi mapakali si Athena sa loob ng kanyang bahay. Halos isang oras na siyang pabalik-balik sa bintana upang tanawin si Lance kung naroon pa ba ito sa tapat ng bahay niya
Nag-aalala siya dahil lumalakas lalo ang ulan. Imbis na mag-alala siya kay Paulo dahil pumalaot ito ng malakas ang ulan, ay tila mas nag-aalala pa siya sa babaerong impakto na nakaupo sa tapat ng bahay niya
Parang pinipiga ang puso niya ng makita niyang nakayuko ito habang nakatingin sa mga bulaklak nitong hawak
Para sakanya ba ang mga bulaklak na iyon? Ipinilig ni Athena ang kanyang ulo dahil parang nakaramdam pa siya ng munting kasiyahan sa isiping binilihan siya nito ng bulaklak
Aminin man niya o hindi ay may bahagi sa kanyang puso ang talaga namang natuwa dahil sa biglaan nitong pagrating sa bahay niya
