1 2 3 Asawa ni Marie
AiTenshi
May 28, 2021
Episode 18
ANNABEL POV
"Papa, totoo ba ang balita? Totoo ba ang sinabi nung Marie na iyon na siya na ang nagmamay ari ng lahat ng lupain ng mga Alonzo?" tanong ko kay papa, hindi ko mapigil ang aking galit at pagkamuhi noong mga oras na iyon.
Natahimik si papa at napalingon sa akin. "Oo hija, totoo ang lahat ng iyon," ang sagot niya na parang bombang sumabog sa aking harapan.
"Bakit? Bakit inilihim niyo sa akin? Bakit tayo sumadlak sa ganitong sitwasyon?" ang tanong ko na may halong matinding galit.
"Dahil nalugi ang ating mga negosyo. Maraming kalaban sa merkado galing sa iba't ibang bansa kaya't wala tayong ibang pamimilian kundi ang ibenta ang lahat upang makabayad tayo sa ating pagkakautang. Nagdesisyon ang mama mo na pumunta na lang t
