SA MALAPIT na mall na lang kinita ni Maia si Lucas pero ayun siya at nagmamadali dahil huli na sa usapan nilang oras. Ang dami kasing ginawa para lang malibang ang anak niya at maka-alis siyang hindi ito nahabol. Kapag kasi gano'ng naka-uwi na siya, hinding hindi na talaga lalayo sa kanya si Luanne. Nakakabit na ito 24/7 sa katawan niya kaya kulang ang fifteen days leave kung tutuusin. Kung maasahan lang sana ang sasakyan niya, pwede na siyang mag-uwian o 'di kaya ay tuwing weekend uuwi para maka-bonding ang anak. Gusto na nga niya minsan kalakal na lang ang sasakyan ngunit wala pa siyang budget para palitan iyon.
"I'm sorry late ako," Humahangos niyang sabi sa binata.
"What happened to your hair?" tanong nito dahilan upang kapain niya ang ulo. Naalala niyang inipitan siya ni Luanne kani
