[Pepper]
"Mas mahal iyang bulaklak ko kesa sa hawak niya," bulong ni Chad.
Bahagyang tumaas ang kilay ko dito. Naisingit pa talaga niya 'yun?
Bakit naman tayming pang dumating si Lyndon? Hindi naman sa ayaw ko siyang pumunta dito, pero baka isipin kasi ni Chad na kaya gustong-gusto kong umuwi dito ay para magpadalaw kay Lyndon. Bakit naman? Kayo ba?
Bahagya kong ipinilig ang ulo ko, sabay baling kay Lyndon."Ahm... Lyndon, tuloy ka." Narinig kong tumikhim si Chad na nasa tabi ko.
"Nakakaabala yata ako?" sabi naman ni Lyndon.
"Hindi naman. Tara," aya ko dito.
"Pepper..." mahinang sabi ni Chad.
"Sasama kami ni Zyrus sa iyo pauwi ngayon, basta hayaan mo lang na magka-usap kami ni Lyndon," mahinang sabi ko dito.
