Tinignan ko ang mga bagong mukha na dumating ngayong umaga. Sampu ang nadagdag sa mga tauhan ni boss. Akala ko sobrang dami na ng tauhan niya na kuwarenta pero mas dumami pa sila ngayon.
Ibig sabihin madadagdagan pa ang kailangan kong ipagluto sa araw-araw.
Hindi ko makita si boss. Tulog pa siguro siya sa mga oras na 'to. Pahaba kasi ang style ng resthouse na tinutuluyan namin. May attic din ito. Tingin ko doon siya natutulog.
Tinignan ko si Sphinx na nakikipag-usap sa dalawang bagong lalake na dumating. Saglit na nagtama ang mga mata namin, pero hindi na niya ako tinignan na gaya ng dati.
Siya na nga lang ang kasundo ko dito kahit paano, pero mukhang nagalit ko pa.
Pagdating ko naman sa kusina, nadatnan ko ang dalawang Pinoy na nagtitimpla ng kape.
"Good morning," nakangiti ko
